POST: 2026-04-09T10:47:15+05:30

”
Arul.2009/FB/#68930

எங்கும் தமிழ்! எதிலும் தமிழ்!

தமிழ்நாடு நகர் ஊரமைப்பு இயக்ககம் 07.04.2026. 08.04.2026 ஆகிய நாள்களில் ஆட்சி மொழி திட்டச் செயலாக்க ஆய்வு மேற்கொள்ளப்பட்டது.

நகர் ஊரமைப்பு இயக்குநரகத்தில் உள்ள 6 பிரிவுகளில் 32 இருக்கைகளில் பேணப்படும் வருகைப்பதிவேடு, பயணநிரல், அனுப்பப்பட்ட கடிதங்கள், காலமுறை அறிக்கைகள், அலுவலக ஆணைகள், செயல்முறை ஆணைகள், முத்திரைகள், பெயர்/தகவல் பலகைகள், கோப்புகள், கணினியில் தமிழ் மென்பொருள்கள் பயன்பாடு, வலைதளம் மற்றும் பிற பதிவேடுகளைத் தமிழ் வளர்ச்சித் துறை அலுவலர், பணியாளர்கள் இரண்டு நாள்கள் ஆய்வு செய்து குறிப்புகள் எடுக்கப்பட்ட ஆய்வறிக்கையின் தொடர்பாக

08.04.2026 புதன்கிழமை காலை 12.30 மணியளவில் தமிழ்நாடு நகர் ஊரமைப்பு துறையின் இயக்குநர் திரு பா.கணேசன் இ.ஆ.ப., அவர்களுடன் ஆட்சி மொழித் திட்டச் செயலாக்கம் குறித்து கலந்துரையாடிய பிறகு அலுவலர்கள் மற்றும் பணியாளர்களிடையே குறிப்பாக புதியதாக தமிழ்நாடு அரசுப் பணியாளர் தேர்வாணையம் வாயிலாகத் தெரிவு செய்யப்பெற்று பணிப் பொறுப்பேற்றுள்ள இளைஞர்களிடையே ஆட்சி மொழித் திட்டச் செயலாக்கத்தின் முக்கியத்துவம் குறித்து விளக்கம் அளிக்கப்பட்டதோடு அதனை செயல்படுத்துவதற்கான அறிவுரையும் வழங்கப்பட்டது.

நிறைவாக தமிழ்நாடு நகர் ஊர் அமைப்பு இயக்குநர் திரு.பா.கணேசன் இ.ஆ.ப., அவர்களிடம் ஆய்வு நாள் அறிக்கை அளிக்கப்பட்டது.

இந்நிகழ்வில் தமிழ் வளர்ச்சித் துறையின் திருவள்ளூர் மாவட்ட உதவி இயக்குநர் திருமதி வே. ரேவதி மற்றும் கண்காணிப்பாளர்
திருமதி மு.ஜீவா தட்டச்சர் திரு பா.உமாபதி ஆகியோர் உடன் இருந்தனர்.