“பல்லோர் துஞ்சு நள்ளென் யாமத்து” எனத் தொடங்கும் கண்ணனாரின் குறுந்தொகைப் பாடல் எண் இருநூற்று நாற்பத்து நான்கு
நல்லோர் நானிலமெங்கும் நவிலும் நற்றமிழ் ஆக்கங்களை நயந்து வழங்கும் உலகத்தமிழிதழ் இருநூற்று நாற்பத்து நான்கு.
மருத்துவ மாமணி தாரா நடராசன்(15.7.1932-14.8.2020)
தாயாகித் தந்தையுமாய்த் தாங்குகின்ற தெய்வம் !
சேயாக எமை வளர்க்கும் தெய்வ மகா தெய்வம் !
எங்கள் கவலைகளைத் தம் கவலையாக நாளும் தாங்கிய தாயே !
பெருந்தகையீர்,
வணக்கம்,
உடுக்கணக்கு மரபின்படி எங்கள் அருமைத்தாயார், மருத்துவர்,
தாரா நடராசன் அவர்கள் மறைந்து நான்கு ஆண்டு ஆகும் நிலையில்,
ஆடித்திங்கள் பதினாறாம் நாள்,
01.08.2024
வியாழக்கிழமையன்று
காலை 7.30 முதல் 9.00 மணிக்குத்
தாரகை இல்லத்தில் நான்காமியாண்டு நினைவேந்தல்,
மரபுளி வழாது தமிழ் வேள்வி, ஒளியகம் ந.ஒளியரசு அவர்களால் நடைபெறவுள்ளது.
நினைந்துருகும் …..
கண்ணன்,
அருள்,
பரதன்.
கடிதங்கள் – டாக்டர் ந அருள்
கடிதங்கள்
Thirukural 1330 completed its full round today.
கடிதங்கள்|
Thirukural 1330 completed its full round today.
It was indeed a privilege to share our lofty kural in its inimitable tamil original along with P sundaram English translation and Yu hsi mandarin version for the past 1330 days on a continuous basis….
A feel of consummation in having recalled 1330 Kurals is inevitable and the feel is buttressed by interlingual and intertextual ruminations. Seven Seeer SIM holds our memories. Recalling of what the purusharthas stand for, as enunciated by our Greatest Common Ethic, though seems casual is indeed a gigabyte like Memory’s Demesne.Salutations to Sennaappodhaar!
பெரிய பாராட்டுக்குரிய முயற்சி. பல நேரங்களில் திரு. சுந்தரம் அவர்களின் எளிமையான மொழிபெயர்ப்பைக் கண்டு பிரமிப்பு அடைந்திருக்கிறேன். அநேக நேரங்களில் அவரது ஆங்கில மொழிபெயர்ப்பின் மூலம் குறளின் பொருள் தெளிவுறப் பெற்றேன். இதை நான் சொல்லும் பொழுது சற்றே சங்கடமாக இருந்தாலும் அதுதான் எனக்குள் நடந்த உண்மை. மிக்க மகிழ்ச்சி. சகோதரன் அருள் செய்த அற்புதமான அர்ப்பணிப்பு. வாழ்த்துக்கள். சிரமமில்லையெனில் புறநானூறு கற்க ஆவல். “அருள்” “பொருள்” விருந்தாளர்.
கடிதங்கள் – டாக்டர் ந அருள்
கடிதங்கள்
தமிழின் பெருமை
கடிதங்கள்|
தமிழின் பெருமை
உலகில் இன்று 7.7 பில்லியன் மக்கள் வாழ்கின்றார்களாம். 7117 மொழிகள் பேசுவதாக எத்தனோலாகு என்னும் நிறுவனம் சொல்கின்றது. இவற்றில் 40% மொழிகள் அழியும் தறுவாயில் உள்ளன. வெறும் 23 பெரிய மொழிகள்தாம் உலகின் சரிபாதிக்கும் மேலான மக்களால் பேசப்படுகின்றன. இவற்றுள் தமிழும் ஒன்று (19 ஆவது). ஆனால் ஆங்கிலம், மாண்டரின், எசுப்பானியம், பிரான்சியம் இந்தி, இடாய்ச்சு, மலாய் முதலான 23 பெருமொழிகள் பேசுபவர்கள் வெறும் பாதி (கிட்டத்தட்ட) மக்களே உலகில். மாந்தக் குலத்தின் பண்பாடும் அறிவும் வரலாறும் நுணுக்கங்களும் இயற்கை மொழிகளில் புதைந்து கிடக்கின்றன. இன்றைய தொழினுட்ப வசதிகளால் ஏறத்தாழ எல்லா மொழிகளையும் காக்க முடியும். ஆனால் அரசியல் பொருளியல் வல்லாண்மைகளால் பெருமொழிகளுமே கூட சிதைந்து அழியும் வாய்ப்புகள் உள்ளன. எனவே மொழியையும் மொழிவழி பண்பாட்டையும் காக்க அரசியல் பொருளியில் செயற்பாடுகளில் விழிப்புணர்வும், ஆக்கந்தரும் செயற்பாடுகளும் தேவை. நம் தமிழ்மொழிக்கு பெரும் கேடுகள் செய்வனவாக நான் கருதுவது:
1) தாழ்வு உளப்பான்மை.
2) உரிமை நிலைநாட்டாமை
3) அரசியாளர் மெய்யான வலுவான நடவடிக்கைகள் எடுக்காமை,
4) இந்திய ஒன்றியத்தினர் பன்மொழி உரிமையைப் போற்றாமை (இது 2-ஆவது காரணத்தோடு தொடர்புடையது).
5) ஊழலால் தன்னலத்துக்காகப் பொதுநலத்தைக் குலைப்பது
6) கல்வியில் தாய்மொழிவழி கல்லாதது (இது எப்படிப்பட்ட பண்பாட்டு அழிப்பு என்பதை மக்கள் உணரவில்லை; இது எப்படி குன்றிய கல்வியைப் பெரும்பான்மையானவர்க்ளுக்குத் தரும் என்பதையும் அறிவதில்லை) ,
7) ஆங்கிலம் மோகம் (ஆங்கிலம் இன்று முக்கியம், ஆனால் தாய்மொழியைத் துறந்து ஆங்கில மயமாவது கேடு).
8) தமிழில் வணிகம் முதல் பற்பல ஆக்கம் நிறைந்த செயற்பாடுகளில் போதிய வளர்ச்சி இல்லாதது.
9) நம் கூட்டு வல்லமையை, தன் மதிப்பை உணராதிருத்தல் (வெட்டிப் பெருமை பேசுவதால் பயன் இல்லை. ஆழமான தன் மதிப்புணர்வும் கூட்டு வலிமையில் நம்பிக்கை, அதற்கேற்ற நற்செயற்பாடுகளும் தேவை)
